Skemmtilegt fólk

Ég er að lesa bók sem ber það skemmtilega nafn Skemmtilegt fólk og hef varla tímt að leggja hana frá mér í dag nema rétt til að svara símanum og skreppa út í Bónus eftir lífsnauðsynjum. Í bók þessari velja rithöfundar og fjölmiðlamenn fólk til að segja góðar sögur skemmtileg tilsvör og ferskeytlur.Ég er ekki búin með bókina en var að lesa kafla í henni þar sem Helgi Seljan fréttamaður fær afa sinn Helga Seljan til að segja frá barnabörnunum sínum skemmtileg tilsvör og gullkorn sem frá þeim hafa komið.Ég hef ekki hlegið jafn mikið lengi.Langaði bara til að deila þessu með öðrum sem vantar eitthvað fyndið og skemmtilegt inní gráma hversdagslífsins.